MC JIN 要 澳雪女 Cat 封胸 忽然1周 778期

受無綫力捧做音樂節目主持嘅 MC JIN（歐陽靖），喺廣告界都幾受歡迎，除咗同尹光 crossover鬥 rap嘅檸檬茶廣告外，最近仲接咗個「 Romago」手錶廣告。唱埋廣告主題曲嘅佢上星期四（ 17日）仲拍咗個 MV，搵咗上緊位嘅澳雪女 Cat做女主角。

澳雪女 Cat擺明以 33C天然生曬身材做賣點，一有機會，絕唔會暴殄天物，於是當日就自備咗幾套性感服飾諗住騷 quali。點知拍咗一個鏡頭， MC JIN認為 Cat嘅性感形象同佢唔係太夾，於是就向製作單位反應女主角嘅衣着暴露，結果 Cat乖乖換咗件圓領 T恤。要 Cat封胸，等於叫班球星做後備冇得上場踢波一樣，認真嘥料！

Cat一嚟就騷 quali，不單衣着性感暴露，連甫士都似足 AV女，難怪要俾 MC JIN下令封胸。

MC JIN形象健康，唔想個手錶廣告 MV出街俾人話三級，所以要 Cat換上圓領 T恤，佢至放心合照。