[轉載/蘋果日報]接到通知要訪問阿 G.E.M.，我知道執到好籤。看其履歷︰ 2歲識唸唐詩、 5歲學彈琴作曲、 11歲學唱歌、 13歲考到八級鋼琴、 17歲以創作人身份入行兼成為本港首個未成年新人獎得主……天才少女喎，包保冇悶場。
事實呢，跟她做訪問，是一場精力與耐性的考驗。
阿 G.E.M.愛表達自己，說話快理論又多，「我好慳，鍾意搭小巴、地鐵，一個月得$3,000使。
「我唔恨去紅館開個唱，反而想去旺角搞街頭 show，夠親切感！」
只要你肯聽，她可以連續講三個鐘；反之，一停口就身痕。拍攝開始，身穿短裙仔的她已忍不住企上梳化玩跳彈床。
叫她擺個甫士，竟忽然興起，對住錄影機一腳踢上頭如跳肯肯舞，嚇到助手驚呼︰「女啊，唔使咁大方！」
笑她「細路」，她仲牙眨眨，「九十後個個都好癲！我就係九十後代表！」
死未。且容我套用其助手一句肺腑之言︰「十足阿媽湊女，有時，真係想打死佢！」
人們愛才，又怕天才惡搞，這女生，就是一例。
